驗樓詹SIR同款！想知手工好唔好，驗收神器平水尺幫到你！
平水尺上面有兩枝裝住有色酒精嘅細玻璃管，內裡有個汽泡，酒精管中間個肚微微凸出，兩邊劃咗兩條平行條綫，只要將尺貼實要量度嘅面，如果個泡啱啱好夾響兩條綫中間，就係水平或者垂直喇。
測量批盪表面
可以將平水尺垂直貼上牆身，檢查牆身「企唔企」，現實一般都無咁完美，平整以及垂直度喺4mm內偏差都屬於合格範圍！此外，輕輕敲擊牆身，如果發出「咚咚」聲就代表有空鼓。有空鼓表示牆面與結構層之間因手工問題而出現空心現象，空鼓部位一般會略高出四周整體平面，並常常伴有裂縫，嚴重嘅用手指按下去已經可以感受到。
量度地台
只要將平水尺放上地面就知道地台平唔平，每1.2米地板可以接受有4mm嘅斜度。另外，其實留縫的沒有一個固定的標準，牆磚留縫的大小一般來說應該在1-1.5mm左右，地面瓷磚在1．5－2mm左右, 不低於1mm, 不是留的越小越好！有鬆地板及發出聲音就要扣分，係手工差嘅表現，地板會愈踩愈鬆，如果放任唔理，問題有機會惡化㗎！
檢查石材窗台
窗台斜度容許偏差1mm，同地板一樣，如果窗台係由超過兩件石材組合而成，高低差通常不能超過0.5mm。
驗收組合櫃
組合櫃最常見問題係櫃門拍得唔夠fit，平水尺一樣可以幫到手，一般接受範圍約3mm！而櫃桶嘅上下搖擺度分別不能超過20mm及15mm！檢查組合櫃之時，要小心唔好一次過大力將櫃桶拉出來，如果遇上櫃桶安裝不穩，拉出來果陣有機會會整親㗎。
無裝修Idea唔緊要，唔想煩，等DECOLAND幫你諗啦！
平台網址： www.hkdecoland.com
裝修熱線：9700 1176
Whatsapp：http://wa.me/85297001176
平台地址：尖沙咀余仁生中心9樓全層
