裝修一般需時幾耐？
裝修工期係業主們一致關心的問題，準備新舊樓交接，時間預唔準嘅話分分鐘要硬食多個月倉租屋租。據非正式統計，香港一般300到500尺單位，裝修所需嘅時間大概三至四個月，當然實際時間要視乎單位嘅大細同施工嘅複雜程度而定啦。
除左單位大細，裝修月份亦會影響施工時間，裝修行業有旺季與淡季之分，而暑假正正就係裝修旺季，有信譽嘅熟手技工特別搶手；相對之下，農曆新年就係傳統淡季，因為大家都想喺農曆新年之前整靚間屋，而建材店好多都會休息至初十，如果所訂購建材或傢俬涉及內地，製作加物流所需時間亦會更長。
裝修前期：收樓前30至60日
建議業主於收樓前一至兩個月開始策劃裝修事宜，除了確認裝修公司、報價以及設計方案外，亦最好儘早決定裝修所用的主要材料，以確保材料能夠如期到達以免阻礙工程進度。如要聘請室內設計公司幫手設計家居更要預留更多時間。
施工工程：60至90日
施工工程所牽涉嘅部份比較多，大致可以分為清拆、水電、泥水、木工及油漆5大類，每個範疇都有各自要注意嘅地方，詳情可以參考 常見施工流程。最好預早30日左右訂購磁磚、地板、潔具等物料，再適時安排運送到現場，以免延誤工期。
交收及驗收：
去到裝修嘅尾聲，基本上大部分工程都完成，驗收單位固然重要，但好多時要到住落先發現有問題點算好？呢個時候有保養期就非常重要！可以將有問題地方標記好再約師傅一次過上門執漏，經 DECOLAND配對 嘅裝修公司均有長達一年保養期，就唔使擔心啲窿窿罅罅出事啦！
