調整家居環境並修復損壞的地方
同滿意自己家居的人比較，面對混亂、維修及未完成項目嘅人代謝皮質醇的能力相對較弱，因為堆積如山嘅工作令「家」成為壓力來源而非避風港。誠實評估家居的問題，並制定具體計劃來解決吧！必要時可以聘請專業人士幫手，如果能夠消除壓力，呢筆錢值得花！
消除混亂
雜亂係仲有事情未完成嘅視覺暗示，為你增添無形壓力！預留收納空間隱藏雜亂物件，眼不見為淨就唔使成日心掛掛啦！
光線控制
可調節照明對於幸福家庭來說必不可少！唔同色溫嘅燈光可以帶出不同氣氛，黃光可以營造出一種舒適、溫馨的氛圍，非常適合用於廚房、客廳和睡房。而白光可以模擬清新的日光，適合用於工作間！
擁抱大自然
親近綠色植物能夠提高免疫力和減少焦慮，在家中自行營造郊野氣息都能得到同樣效果！選用木材、植物圖案印花、擺放泥土藝術品及綠色植物佈置家居，將自然帶入室內環境人都精神啲！
