對新業主來講，單位裝修係大Project，好開始係成功嘅一半，喺籌備期間千祈要避免以下錯誤！
自己做判頭
判頭工作絕非安排施工、買料、監工咁簡單！判頭嘅經驗令佢地喺同裝修師父協議工程品質與進度時更加有牙力，除非業主對裝修有實際認識，否則外行人管內行人，未必個個裝修師父都肯聽你講，再者，唔到出事你都唔會知道你嘅決定係好醒定豬頭炳。
價低者得
千金難買好裝修，平野未必無好，但係項目內容啱駛更加緊要，簽約之前記得check清楚報價單，有無隱藏條款，用料質素同工序是否正確。否則不停後加項目或者整好先發現唔啱用都幾頭痕。優質嘅專業幫手物有所值！
唔識問問題
唔好怕醜，有任何問題即管提出，做決定前你有權先了解所有前因後果，亦可以問裝修公司拎案例 Reference，了解佢地嘅裝修風格以及長短處！
無設定施工時間表
設定詳細時間表可以幫助業主了解施工進度，亦係施工達唔達標嘅憑證，萬一有某個細項甩期都可以及早發現，唔至於拖累整個工程。亦都可以預留時間安排要及時處理嘅事項，如買料及決定電掣位等，唔怕一失足成千古恨。
期望一切按預期進行
要有心理準備裝修過程中可能會產生好多突發事件，例如施工期間發現單位漏水或者實際尺寸與圖則有出入之類問題，學識接受「變幻原是永恆」，隨時執生。
