新手裝修每事問：點解要裝假天花？

安裝假天花４個好處

裝飾喉管和結構：

假天花可將喉管、結構、橫樑遮蓋，將天花拉直及保持美觀度，亦方便維修時唔需要鑿開牆先能夠檢查，尤其適合天花結構複雜的舊樓。浴室廚房溫差大又有水氣，用油漆作為天花物料好容易出現脫灰發霉之類問題，假天花係代替油漆嘅更好選擇，而且亦能作裝飾用途，配搭出不同自我風格！

創意分隔空間：

開放式設計的客飯廳，可用兩個假天花來分隔空間，假天花之間留有適當嘅距離，消除大廳中央的空洞感，亦可做兩個不同的假天花，豐富層次和設計感！

增加空間感：

玄關處或房間外走廊加上長形假天花，有加長走廊的效果，使家居睇落更寬闊。仲可以在假天花上儲物當作收納空間使用添！

安裝室內裝置：

配搭假天花，安裝冷氣、燈槽、浴室寶等裝置，例如廳房嘅出風口、冷氣出口、天花式浴室寶等。浴室寶由於要預留抽氣、散熱空間，安裝時要注意假天花的高度能否放得下機體，建議最少要預留300mm。

石膏板

石膏板是假天花常用的物料，通常以鋁或鐵為骨架用作支撐，勝作輕身又防火隔熱，不適合承重，通常用於客廳位置作裝飾之用， 廚房及洗手間亦有防水石膏板可配搭使用，非常適合開放式廚房，美觀又有設計感。

鋁片

鋁片假天花由多條鋁合金板組合而成。鋁片表面光滑、反光度較高，可減低假天花帶來的壓迫感，而且容易清潔、防潮度高，最啱裝喺裝喺浴室、廚房等濕度高的地方，就算要拎落嚟清洗亦都好方便。缺點係保溫隔熱能力較低，易變形同不能承載重物。

木板

木造假天花顏色多變而且容易裁成不同形狀，表面多做油漆或貼皮加工，美觀之餘在門口頂或走廊頂做儲物天花亦夠力承載重物，不過相比其他物料較易吸引白蟻及蟲蛀。